Francezët janë ngritur kundër dëbimit të një familjeje shqiptare. Mediat franceze si lindependant.fr, shkruajnë se familja Mitaj u dëbuan nga Franca këtë të enjte, pas vendimit të prefektit të e prefektit të Pyrénées-Orientales.
Mirëpo pavarësisht se familja Mitaj ka mbërritur në Tiranë, vazhdojnë të kenë mbështetje në nivel lokal.
Presidentja e Lëvizjes Kundër Racizmit dhe Miqësisë midis Popujve (MRAP), Maryse Martinez, ka shprehur besimin se kjo histori nuk ka mbaruar.
“Unë jam e sigurt se ne do ta rishohim sërish Amarildën dhe familjen e Mitaj. Lufta kundër papërmbajtshmërisë, kundër pandershmërisë, kundër keqardhjes do të vazhdojë! Barbarizmi nuk mund të fitojë asnjëherë! Dhe Amarilda do të bëhet ashtu siç dëshiron ajo, sepse ajo është e shkëlqyer, ajo do të jetë një profesoreshë e shkëlqyeshme e matematikës”, janë fjalët e Martinez.
Amarilda është vajza e familjes Mitaj, e cila duket se është integruar mjaft mirë në Francë, me shoqërinë dhe me shkollën ku ka arritur rezultate të larta në mësime.
Martinez tregon se përmes një telefonate, amarilda i kishte konfirmuar se kishin mbërritur në tiranë që prej pasdites së të enjtes, por që ishin tejet të dëshpëruar.
“Ata ishin të gjithë shumë të tronditur, të dëshpëruar nga ky vendim çnjerëzor. Ne jemi gjithashtu, çfarë barbarizmi!
Prefekti i Pyrenees Orientales kishte për detyrë, në sajë të fuqisë së tij diskrete, të vendoste të lejonte familjen të jetonte në Francë në vend që t’i dërgonte në rrezik ekstrem, siç jemi njoftuar.
Por si mund të arrijmë deri këtu? Ai zgjodhi të dërgonte në rrezik ekstrem një familje si imja, si e jotja, një familje që mund të sillte pasuri në Francë, si shumë refugjatë të tjerë pa të cilët nuk do të ishim ata që jeni.”, janë fjalët e Martinez-it.
