Policia ka arrestuar shefin e policisë së zonës Gruemirë në Malësi të Madhe, i cili u akuzua pak ditë më parë se kishte abuzuar me një vajzë të mitur 15-vjeçare.
Njoftimi është bërë nga vetë policia që thotë se punonjësi është arrestuar pas publikimit të videos në media.
“Përshëndetje. Në Shkodër është arrestuar menjëherë punonjësi i policisë që është shfaqur në videon e publikuar në media. Efektivi i arrestuar është Berhan Bajrakurti, Specialist i Policimit në komunitet (SPZ) Gruemirë, Komisariati Policisë Malësi e Madhe.” – thuhet në njoftimin e policisë.
Sipas “Newsbomb”, që publikoi denoncimin, shefi i policisë së Gruemirës, Berhan Bajrakurti, një nënë nga kjo zonë pretendon se personi në fjalë e ka marrë në makinë vajzën e saj 15-vjeçare, e ka telefonuar madje ka kryer akte të turpshme në bisedat me të në telefon.
E ëma ka pohuar se pasi ka parë pamjet e turpshme, dhe ka folur me vajzën, ka marrë videot e bashkë me të bijën ka shkuar në komisariatin e Koplikut për ta denoncuar por aty askush nuk e ka pritur.
“Jam prind i një vajze 15 vjeçare nga Malësia e Madhe, fshati Gruemiere. Dua të denoncoj këtë shtet të kapur nga perversiteti e imoraliteti që po na detyron të ikim nga ky vend, marrë shkas nga ngjarjet e fundit që kanë ndodhur, ku jan përdhunuar vajza minorene. Atë fat e ka patur dhe vajza ime duke u ngacmuar nga shefi i policisë së zonës Gruemiere shetetasi Berhan Bajrakurti.
Para 4 ditësh me vjen vajza nga shkolla e shqetësuar, e pyeta se cfarë kishte. Ajo pati frikë të më rrëfente. Pas disa oresh arriti të më tregoje se kishte dalë para ky njeri duke e ngacmuar dhe duke i thënë hajde hyp në makinë me mua të bej xhiro me makinë. E kishte ndjekur vajzën deri në afërsi të shtëpisë. Nuk ishte hera e parë që e përndiqte pasi këtë gjë e ka bërë edhe nëpërmjet telefonit duke i telefonuar vajzën duke i dalë nudo dhe duke kryer veprime të ndyra. Vajza e kishte filmuar këtë person, me të marr filmimet me vajzën, i drejtohem komisariatit Koplik.
Me të shku tek dera na erdhi për 5 minuta pasi mbërritëm, personi në fjalë, pra punonjësi i policisë Berhani. Më kapi për krahu, më nxorri veçmas duke më bërë presion se do të zhduk do ju shfaros. Të gjindur para kësaj situate ku asnjë punonjës nuk na dilte në krah as për të na pyetur për çfarë keni ardhur, u larguam. Te nesërmen vajtëm tek drejtoria e policisë Shkodër, kërkuam shefin më të madh të policisë Shkodër të takonim por nuk na u mundësua ai takim, pasi vetë kupola e Shkodrës e policisë ishte nga Malësia e Madhe. Na thanë që mos u merrni me Malësor se janë të pa prekshëm.” – ka deklaruar nëna e 15-vjeçares.
