Mbi 100 mijë banorë të Rrethit të Krujës, kanë mbetur pa energji elektrike që prej mbrëmjes së kaluar. OSHEE ka njoftuar se shkak për këtë është bërë moti i keq dhe erërat e forta.
Energjia është ndërprerë në fshatrat Nikël, Bubq, Borizanë dhe Thumanë. Problem mbetet edhe një pjesë e qytetit të Fushë-Krujës.
“Për shkak të motit të keq, shoqëruar me erë të fortë, gjatë orës 2 të natës janë shkaktuar dëme në disa pjesë të rrjetit ajror elektrik në disa zona të Fushë- Krujës.
Prej orës 6 të mëngjesit brigadat e OSHEE ,Agjencia Fushë Krujë ndodhen në terren duke riparuar linjat. Theksojmë se furtuna e fortë na pengon të ecim më shpejt me punimet.
Problem edhe në Malësinë e Krujës prej reshjeve të dëborës. Qyteti i Krujës furnizohet normalisht me energji elektrike. Problem janë Nikla, Thumanë, Bubq dhe një pjesë e qytetit Fushë-Krujë”, deklaron OSHEE.
Sa herë që përkeqësohet koha në rrethin e Krujës, gjithmonë stakohet energjia elektrike.
