Prezenca e OSBE në Shqipëri ka reaguar për protestën e zhvilluar ditën e sotme nga opozita para parlamentit.
Në deklaratën e OSBE, dënohet nxitja e dhunës nga politika. Sipas OSBE djegia e gomave dhe shashkat nuk janë një akt demokratik.
Deklaratë e Prezencës së OSBE-së në Shqipëri:
Dhuna nuk është përgjigjja për problemet e Shqipërisë. Ne e dënojmë sërish nxitjen politike të dhunës dhe bëjmë thirrje për vetëpërmbajtje dhe përgjegjësi. Të protestuarit është një akt demokratik, por djegia e gomave, përdorimi i shashkave dhe çarja e kordonëve të policisë për të sulmuar një institucion publik, dhe veçanërisht zemrën e demokracisë, nuk janë të tillë. Po ashtu, e nxisim policinë të reagojë në mënyrë përpjestimore. Ne po e monitorojmë situatën me shqetësim. Përgëzojmë mediat për shërbimin e madh që po i bëjnë demokracisë përmes raportimeve të drejtpërdrejta.
