Të paktën 350 kg marihuanë janë sekuestruar sot nga policia maqedonase në pikën kufitare të “Tabanocit”. Sipas mediave në Maqedoni, droga e gjetur ishte fshehur në bunkerë speciale dhe dyshohet se e ka origjinën nga Shqipëria dhe kishte si destinacion tregun Europian.
Dogana e Maqedonisë njoftoi se të paktën një person është arrestuar nga operacioni. I arrestuari me inicialet B.F. është një shtetas shqiptar.
