Dy analistët Andi Bushati dhe Mentor Nazarko janë përplasur ditën e djeshme gjatë një debati në studion e emisionit “Të Paekspozuarit”, ku po flisnin për çështjen e grabitjes spektakolare në aeroportin e Rinasit.
Mirëpo debati i tyre kaloi në nivel personal dhe akoma më keq në banal. Bushati madje e ofendoi Nazarkon, duke e quajtur atë b*thëlëpirës.
DEBATI
Mentor Nazarko: Ne nuk duhet të vuajmë nga sindromi i të gjithëditurit, veçanërisht kur janë çështje të tilla kaq të specializuara. Duhet të dëgjojmë shumë burime. Këtë po e them për Bushatin. Çfarë tha zoti Prenci është shumë më serioze për qeverinë për rastin në fjalë se çfarë thotë Bushati, Lubonja apo unë. Shpeshherë ne bëjmë letërsi politike. Ne dalim në përfundim dhe themi qeveria e ka fajin.
Andi Bushati: Ti po thua të mos e gjejmë armikun? Ore ti ke mendim tëndin? Se fillove të flasësh duke bërë replikë me mua…
Mentor Nazarko: Jo, përkundrazi, ti e bën se e pe që unë po pyesja atë…
Andi Bushati: Ore hall të madh ke të mbrosh të pambrojtshmen…
Mentor Nazarko: Eee
Andi Bushati: Thuaj mendimin tënd, ç’ke me ne
Mentor Nazarko: Grandomania jote ka përmasa planetare
Andi Bushati: Ore ty të kanë sjellë për kasap këtu?
Mentor Nazarko: Prit një sekondë, kasapi je ti që e pret qeverinë. Po e preve ti, mbaroi qeveria. Unë po them një gjë tjetër.
Andi Bushati: Epo edhe b…lëpirës nuk jam unë.
Mentor Nazarko: Fakti që ti në këtë pjesë të jetës tënde ke vendosur të mos jesh b…lëpirës, kjo është çështja jote.
Andi Bushati: Ka njerëz që e harxhojnë gjithë jetën. Edhe një pjesë të jetës po shpëtove mirë është.
Mentor Nazarko: Ka shumë. Një sekondë. U mor Bushat i i cili tha pse po e pyet këtë. Atë kishte në parin. Në gjykimin tim, Këto që tha zoti Premçi, argumenta të tjerë…
Andi Bushati: Edhe unë më të vlefshme i di se këto të miat
Mentor Nazarko: Pikërisht. Në rregull.
Andi Bushati: Ti thuaj mendimin tënd. Ti je komentatori i bisedës midis ne të dyve
Mentor Nazarko: Jo përkundrazi, unë dua të dëgjoj ekspertin. Meqë t’i hyre në analizën që bëj unë…ti shpeshherë të rruan në të thatë vëlla, sepse nëqoftëse ti s’kupton nga ligji, nga ekonomia atëherë bën poezi politike.
Andi Bushati: As nuk merrem, as nuk merrem
Mentor Nazarko: Dhe kjo mund të mos quhet b…lëpirje por është më e rëndë, më e turpshme. Ai e quan kadri, unë e quaj një gjë tjetër…
Andi Bushati: Këtë të turpshmen e marr përsipër unë, ti merr përsipër atë b…lëpirjen. Kaq kam unë
Mentor Nazarko: Po ky është komenti jot. Ti kur bën komente shpall ku ta di Francën, thotë të bëjmë një ’97 të dytë, ku do me ja dit ti. Kjo është padituri e thjeshtë. Fakti që ti e përsërit nuk do të thotë që është dituri
