Një aksident ka ndodhur mëngjesin e sotëm në aksin rrugor Levan-Fier, ku një kamion ka dalë nga rruga në vendin e quajtur “Kthesa e Levanit”.
Si pasojë e aksidentit ka mbetur i plagosur drejtuesi i automjetit me inicialet A.Rr, 50 vjeç banues në Mallakastër.
Policia e Fierit njofton se i plagosuri është dërguar në Spitalin Rajonal Fier dhe ndodhet nën kujdesin e mjekëve.
Ndërkohë uniformat blu kanë nisur hetimet për të zbardhur shkaqet dhe rrethanat e plota të aksidentit.
