Opozita do vazhdojë strategjinë e saj me organizimin e protestave. Këtë herë opozita do thërresë në Tiranë, në datën 8 korrik në orën 20:00 qytetarët.
Lajmin e ka bërë të ditur kreu i opozitës Lulzim Basha në një dalje për mediat pas përfundimit të takimit me kryetarët e bashkive të djathta.
“Dua të falënderoj nga zemra mbi 85% të shqiptarëve, dua t’i ftoj këta shqiptarë dinjitoz të na bashkohen ditën e hënë në orën 20:00 në një protestë të madhe, për të vazhduar të vendosur betejën tonë për çmontimin e diktaturës. Të gjithë bashkë në orën 20:00 në protestë”- u shpreh Basha.
Kjo do jetë protesta e 10 kombëtare e zhvilluar nga opozita që prej nisjes së aksionit.
