Mijëra persona nga e gjithë bota u nisën për një marshim paqeje tre-ditor në Bosnje Herzegovinë për të përkujtuar 24 vjetorin e gjenocidit në Srebrenicë.
Marshimi filloi të hënën nga qyteti i Nezukut pranë qytetit boshnjak të Tuzlës.
Hamdija Fejzic, kryetare e Bordit të Organizatave të Përkujtimit të Srebrenicës, tha për agjencinë Anadolu se marshimi i paqes është bërë një ngjarje ndërkombëtare e cila ka mijëra pjesëmarrës nga e gjithë bota. Fejzic shtoi se më shumë se 5.000 njerëz marrin pjesë në marshim çdo vit.
Më shumë se 5,000 pjesëmarrës, të cilët u mblodhën në qytet që nga orët e hershme të mëngjesit, do të përshkojnë një distancë të përgjithshme prej rreth 100 kilometrash.
Ecja pritet të përfundojë në një varrezë në Potocari, një fshat në Bosnjën lindore lindore, vetëm në veriperëndim të qytetit të Srebrenicës, ku do të mbahet një lutje funerale dhe ceremoni varrimi për 33 viktima të genocidit.
Më shumë se 8,000 burra dhe djem myslimanë boshnjakë u vranë pasi forcat serbe boshnjake sulmuan ‘zonën e sigurtë’ të Srebrenicës në korrik 1995, pavarësisht pranisë së trupave holandeze të ngarkuara me veprimin si paqeruajtës ndërkombëtarë.
Srebrenica u rrethua nga forcat serbe që po përpiqeshin të spastronin territorin nga myslimanët dhe kroatët boshnjakë për të formuar shtetin e tyre.
