Presidenti serb, Vuçiç, pritet t’u drejtohet nesër qytetarëve, ndërsa sot ka mbledhur të gjithë udhëheqësit e Serbisë në vendet e tjera si dhe zyrtarët e qeverisë së tij.
Kjo lëvizje vjen një ditë pas dorëheqjes së kryeministrit të Kosovës, Haradinaj, për shkak të thirrje së këtij të fundit nga Gjykata e Hagës.
Vuçiç është takuar me anëtarin serb të presidencës së Bosnjës, Dodik, ministrin serb të Mbrojtjes, Vulin, ministrin e Brendshëm, Stefanoviç, drejtorin e të ashtuquajturës Zyre për Kosovën në Qeverinë e Serbisë, Marko Gjuriç si dhe me sekretarin e përgjithshëm të Presidencës, Nikolla Selakoviç, transmeton Lajmi.net.
Pas këtij takimi, zyra e shtypit të presidentit serb ka bërë të ditur se nesër në orën 10:00, Vuçiç pritet t’u drejtohet qytetarëve rreth dorëheqjes së Haradinajt nga posti i kryeministrit.
