Zjarret në pyje po shkatërrojnë pyjet e Amazonës, duke nxitur protesta në të gjithë botën dhe kërkesa për veprim për të mbrojtur “mushkëritë e botës”. Por larg vëmendjes kanë mbetur zjarret që kanë përfshirë sipërfaqe të mëdha në Afrikë.
Zjarret e dukshme nga hapësira aktualisht po djegin pyjet e Amazonës me një shpejtësi prej tre fushash futbolli në minutë, sipas të dhënave satelitore braziliane.
Instituti Kombëtar i Brazilit për Kërkime Hapësinore raportoi një rritje prej 83 përqind të zjarreve vitin e kaluar, me më shumë se 72,000 zjarre të zbuluara, 9,000 vetëm javën e kaluar.
Me djegien e pyjeve, protestuesit në mbarë botën janë mbledhur jashtë ambasadave braziliane, duke kërkuar që presidenti brazilian Jair Bolsonaro të ndërmarrë një veprim më të fortë kundër zjarreve.
Në Afrikë është më e vështirë të merret se çfarë po ndodh, pasi asnjë raport për zjarret në Angola dhe Kongo nuk është shfaqur në perëndim.
Asnjë fushatë apo demonstrime masiv nuk është bërë asgjëkundi dhe çështja nuk është vendosur në axhendën e udhëheqësve të G7-s.
