Janë publikuar pamjet e mjetev që ndoqën ish-efektivin e policisë, Santiago Malko, i ekzekutuar brenda mjetit të tij më 27 gusht të këtij viti në rrugën “Xhanfize Keko” në Kinostudio.
Në videon e publikuar nga ABC News, duke mjeti me të cilin udhëtonte ish-polici, një “BMW X5” dhe dy mjetet që e ndjekin nga pas me disa sekonda largësi, një “Volkswagen” dhe një “Mercedes-Benz”.
Ky i fundit dyshohet se u përdor nga autorët e ngjarjes dhe u gjet i djegur pak minuta më vonë. Në pamjet e publikuara duket edhe shtangja e kalimtarëve pas breshërisë që i mori jetën Malkos.
Deri tani për vrasjen e ish-efektivit është ndaluar 39-vjeçari Blendi Teta, i cili dyshohet se kishte dijeni për atentatin, por ai i ka mohuar akuzat ndaj tij.
