Një ndërtesë e shndërruar plotësisht në gërmadhë dhe tokë e djegur, këtë pamje tregojnë filmimet nga kompleksi i ish-udhëheqësit të Shtetit Islamik, Abu Bakr al-Bagdadi në Siri.
Ditën e djeshme, presidenti i SHBA-së Donald Trump bëri një fjalim të rrallë nga Shtëpia e Bardhë, duke thënë se “Abu Bakr al-Bagdadi ka vdekur” duke konfirmuar raportet mediatike që kishin qarkulluar që nga mëngjesi.
Udhëheqësi terrorist vdiq “duke qarë dhe duke bërtitur” pasi forcat speciale amerikane, aeroplanët, helikopterët dhe dronët u dërguan pas tij “në një sulm të guximshëm të natës”, tha presidenti.
Ruptly ka publikuar pamjet nga vendi ku supozohet se u zhvillua operacioni kundër Shtetit Islamik. Nuk kishte asnjë ndërtesë të lënë të paprekur pasi ato ishin shndërruar në grumbuj tullash, shkruan RT. Kameramani filmoi gjithashtu një furgon që ishte tërësisht i mbushur me plumba.
Ministria e Mbrojtjes e Rusisë nga ngritur dyshime lidhur me pretendimet e SHBA-së për eliminimin e al-Bagdadi, duke thënë se nuk ka regjistruar ndonjë mision ajror amerikan në provincën Idlib të Sirisë, ku thuhet se ka ndodhur sulmi.
Aftermath of reported #US operation targeting #alBaghdadi pic.twitter.com/vw2Ag2a5gn
— RT (@RT_com) October 27, 2019
