Kreu i Shtetit në emisionin “Opinion” bëri deklarata të forta lidhur me situatën politike në vend duke thënë ndër të tjera se nuk ka frikë nga institucionet e reja që po krijohen nga reforma në drejtësi.
“Nuk kam frikë unë. Të kem unë frikë nga Edi Rama?! SPAK? Po lërini këto marrëzira. Nuk kam unë asnjë frikë. As nga Ulsiu që ma keni bërë si Uliksi. Kaq mirë po ecin gjërat në reformën në drejtësi sa dhe Shqipëria po shkon kaq poshtë.
Raporti i Doing Bussines ka rënë 19 vende vetëm për shkak të këtyre reformave. Sa herë vjen një diplomat këtu që do të marrë dieta dhe paga duhet që unë të besoj çfarë thonë ata? Unë kam ligjin dhe Kushtetutën” – deklaroi Meta.
