Liderët e Francës, Gjermanisë, Rusisë dhe Ukrainës kanë rënë dakord të zbatojnë ‘masa të mbështetjes së armëpushimit’ në Ukrainën lindore dhe ‘të stabilizojnë’ rajonin deri në fund të vitit.
Katër liderët mbajtën një konferencë të përbashkët për mediat në Paris pas të ashtuquajturave negociata të ‘Formatit Normandia’ për vendosjen e paqes në Ukrainën lindore.
Para konferencës për shtyp, udhëheqësit thanë në një komunikatë të përbashkët se ata ranë dakord për ‘masa të menjëhershme për të stabilizuar situatën në zonën e konfliktit në lindje të Ukrainës’.
Ndër masat bëjnë pjesë edhe lirimi i të burgosurve nga secila anë deri në fund të vitit, krijimi i tre zonave të reja të shkëputjes dhe krijimi i pikave të reja të kalimit, duke lejuar civilët të kalojnë vijën e kontrollit që ndan Donetskun dhe Luganskun nga pjesa tjetër e Ukrainës.
Grupi gjithashtu ra dakord për të zbatuar ‘Steinmeier Formula’ në legjislacionin ukrainas. Emërtuar sipas ish-ministrit të Jashtëm të Gjermanisë, formula formulon thirrje që zgjedhjet të mbahen në Donetsk dhe Lugansk, me qëllim dhënien e statusit autonom në këto rajone.
