Dy vëllezër janë arrestuar sot në Elbasan, pasi dyshohen për trafik të lëndëve narkotike. Sipas policisë, dy vëllezërit me inicialet E.K dhe A.K, respektivisht 28 dhe 27-vjeç, u ndaluan tek sheshi “Gensher” në Elbasan.
Atyre iu gjetën 9 doza kokainë dhe pas një kontrolli të mëtejshëm në banesën e tyre u gjet një sasi e vogël kanabisi dhe 2 peshore elektronike.
Dy vëllezërve iu sekuestruan 4 telefona celularë dhe 1 automjet.
Detajet e policisë
Në vijim të punës për parandalimin dhe goditjen e veprimtarisë kriminale në fushën e shpërndarjes së drogave të forta në doza të vogla, specialistët për Hetimin e Narkotikëve dhe Trafiqeve, në bashkëpunim me punonjësit e Policisë të Operacionales në Drejtorinë Vendore të Policisë Elbasan, arrestuan në flagrancë shtetasit:
- K., 28 vjeç dhe A. K., 27 vjeç, (vëllezër), banues në Elbasan.
Arrestimi i tyre u bë pasi, te sheshi “Gensher”, Elbasan, gjatë kontrollit fizik të ushtruar nga shërbimet e Policisë iu gjetën dhe sekuestruan 9 doza me lëndë narkotike, e dyshuar të llojit heroinë, si dhe gjatë kontrollit në banesë iu gjet një sasi e vogël lëndë narkotike kanabis.
Në cilësinë e provës materiale u sekuestruan 2 peshore elektronike, të cilat shërbenin për peshimin dhe ndarjen në doza të lëndës narkotike, doza me lëndë narkotike heroinë dhe kanabis, 4 aparate celular dhe një automjet.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
