Vijon konflikti mes të pandehurve të konsideruar si pjesëtarë të grupit kriminal “Bajri”, me gjyqtaren Iliriana Olldashi.
Katër personat e arrestuar, Safet Bajri, Ilir Bajri, Ismet Idrizi dhe Asmer Bilali, e kanë kallëzuar penalisht gjyqtaren e çështjes së tyre të cilën e akuzojnë për “shpërdorim detyre”.
Katër pjesëtarët e grupit “Bajri” thonë se kanë kaluar më shumë se 3 javë dhe vendimi i masës së sigurimit “arrest ne burg” nuk është zbardhur, për pasojë aktet nuk janë depozituar në Gjykatën e Apelit për Krime të Rënda.
Sipas padisë së publikuar nga “BalkanWeb“, personat e lartpërmendur thonë gjyqtarja Olldashi po mundohet t’i mbajë në burg me çdo kusht.
Edhe pse masa për akuzat e një viti më parë u skadoi më datë 22 nëntor, Behar Bajri, Safet Rustemi, Ilir Rustemi, Ismet Idrizi dhe Asmer Bilali do të vijojnë që të qëndrojë në burg pas vendimit të gjykatës. Shkak u bënë akuzat e reja që ka ngritur prokuroria ndaj këtyre personave.
Avokati mbrojtës i Safet Bajrit, Arbër Hoxha, i ka konsideruar si “Flluskë sapuni” akuzat e reja që janë ngritur në drejtim të këtij grupi. Sipas tij nuk ka akuza të reja, thjesht janë të njëjtat akuza, për të cilat kishin kaluar afatet e paraburgimit.
Personat e lartpërmendur u arrestuan vitin e shkuar në kuadër të operacionit të koduar “Oaz”, ku u arrestuan mbi 10 pjesëtarë të këtij grupi. Gjykata e Krimeve të Rënda ka caktuar 10 masa të reja sigurie ku gjashtë prej të akuzuarve mbahen në burg.
Masa e sigurisë “Arrest në burg”
1-Behar Brajoviq (Bajri)
2-Safet Rustemi
3-Ilir Rustemi
4-Asmer Bilali
5-Ismet Idrizi
6-Sirjan Alija
Masa e sigurisë “Arrest në shtëpi”
7-Jorida Murati
Masa e sigurisë “Detyrim paraqitje”
8-Senad Halluni
9-Florine Hoxha
10-Mira Nikaj (Përgjegjëse e financës në Spital)
