Dy persona janë vënë në pranga në Shkodër, pasi akuzohen po ndihmonin në kalimin e paligjshëm të kufijve.
Të arrestuarit janë: A. A., 30 vjeç, banues në fshatin Vrakë dhe F. H., 45 vjeç, banues në fshatin Boriç i Madh, Malësi e Madhe.
Në afërsi të pikës kufitare në Hanin e Hotit, dy shkodranët u arrestuan pasi në mjetet e tyre kishin 9 shtetas të huaj algjerianë dhe tunizianë. Ata do të kalonin në Mal të Zi, me qëllim për të vijuar më pas në vendet e BE-së.
DETAJET E POLICISË
Parandalohet dhe goditet një tjetër tentativë për dhënie ndihme për kalim të paligjshëm të kufirit, kundrejt fitimit.
Operacion nga strukturat e Drejtorisë Vendore të Policisë Shkodër.
Arrestohen në flagrancë dy persona, për dhënie ndihme për kalim të paligjshëm të kufirit, të cilët transportonin 9 shtetas algjerianë.
Nga strukturat e Drejtorisë Vendore të Policisë Shkodër, në vijim të operacioneve të njëpasnjëshme të zhvilluara për parandalimin dhe goditjen e tentativës për dhënie ndihme për kalim të paligjshëm të kufirit, bazuar dhe në informacionet e marra në rrugë operative, pas një pune të mirorganizuar u arrestuan në flagrancë shtetasit:
- A., 30 vjeç, banues në fshatin Vrakë, Malësi e Madhe;
- H., 45 vjeç, banues në fshatin Boriç i Madh, Malësi e Madhe;
Arrestimi i tyre u bë, pasi në afërsi të PKK Hani i Hotit u kapën teksa me mjetet e tyre po transportonin 9 shtetas të huaj algjerianë dhe tunizianë, me destinacion Malin e Zi dhe pastaj vendet e BE-së.
Materialet iu referuan Prokurorisë së Rrethit Gjyqësor Shkodër, për veprën penale “Ndihma për kalim të paligjshëm të kufijve“.
