Partia kryesore e opozitës në Greqi, Siriza, tha të enjten se do të mbështesë kandidaten e qeverisë konservatore për presidencën, duke i hapur rrugën Katrina Sakellaropoulou të bëhet Presidentja e parë në vendin fqinj
Sakellaropoulou, 64 vjeç, është tashmë presidente e Këshillit të Shtetit, gjykata më e lartë administrative e Greqisë. Ajo do të pasojë Presidentin Prokopis Pavlopoulos, mandati i të cilit skadon në Mars.
Procesi për të zgjedhur një president, një rol kryesisht ceremonial, mund të shkojë deri në pesë raunde votimi në parlament, me pragun e zgjedhjeve që fillon me 200 vota dhe gradualisht bie në shumicën e të pranishmëve në dhomë.
Partia Demokracia e Re e Kryeministrit Kyriakos Mitsotakis kontrollon 158 vende në parlamentin me 300 vende.
Për të fituar menjëherë, kandidati i tij presidencial do të kishte nevojë për mbështetje nga partitë opozitare, përfshirë të majtën Siriza, e cila humbi pushtetin në një zgjedhje korrikun e kaluar. Siriza ka 86 deputetë në parlament.
“Ne do të lejojmë që presidenti i ri të zgjidhet me shumicë të gjerë, pasi kjo është e përshtatshme për këdo që merr përsipër përgjegjësinë e rëndë, nën kushtetutë, të shpreh unitetin e popullit dhe demokracinë tonë,” tha drejtuesi i Sirizës Alexis Tsipras në një deklaratë televizive, raporton Reuters.
