Autoritetet kineze kanë publikuar imazhe satelitore që tregojnë se si u ngrit spitali i parë për të trajtuar koronavirusin në qytetin e Wuhan, që u ndërtua nga e para me një shpejtësi të paparë.
Spitali Huoshenshan ka pritur dje grupin e parë të pacientëve pas vetëm 10 ditëve të ndërtimit, siç shkruan Daily Mail.
Kjo është qendra e parë mjekësore e ndërtuar nga e fillimi, për të trajtuar të sëmurët me koronavirus. Spitali i Huanggang, që u hap të martën e kaluar ishte thjesht i konvertuar nga një ndërtesë ekzistuese. Por ky tjetri është ndërtuar nga e para.
Qyteti me 14 milion banorë, ka qenë i mbyllur për gati dy javë, e tani po përgatitet të hapë institucionin e dytë të urgjencës të enjten.
Numri i të vdekurve nga epidemia vazhdon të rritet në Kinë, pasi Komisioni Kombëtar i Shëndetit në vend raportoi 64 vdekje të tjera brenda natës, dhe Hong Kong shënoi dje viktimën e tij të parë.
Në total, virusi ka vrarë të paktën 427 njerëz dhe ka infektuar më shumë se 20,700 të tjerë në të gjithë botën.
China Aerospace Science and Technology Corporation Privacy Policy
