23 persona kanë humbur jetën në Turqi pas një orteku që goditi pjesën lindore të vendit.
Viktimat janë anëtarë të ekipeve të kërkim-shpëtimit që kishin vajtur në zonë për të kërkuar për të mbijetuar pas një orteku që kishte goditur pak më parë zonën. Ministri i Brendshëm, Suleyman Soylu, tha se 30 persona u shpëtuan dhe u dërguan në spital.
Bilmez vuri në dukje se gjendja e nëntë prej të lënduarve ishte kritike, ndërsa ende nuk kishte asnjë informacion të saktë se sa njerëz janë varrosur nën ortek.
Anëtarët e ekipit të shpëtimit kishin qenë në kërkim për të mbijetuarit nga një ortek më parë në Turqinë lindore, kur ata vetë ishin zënë nga dëbora.
Numri i viktimave nga ekipi është ende i paqartë. Të paktën pesë persona u vranë në një ortek në Van të martën, ndërsa dy persona janë të zhdukur.
Orteku i së martës ndodhi në rrethin Bahcesaray të Vanit gjatë motit të keq dhe goditi një minibus që udhëtonte në autostradën Van-Bahcesaray.
