Qeveria do të mblidhet sot për herë të parë vetëm për rrezikun nga koronavirusi që i kanoset Shqipërisë, pas dy rasteve të para të konfirmuara në Tiranë.
Mbledhja do të nisë në orën 09:00.
Përgjatë javëve të fundit, Ministria e Shëndetësisë ka komunikuar vazhdimisht me mediat për masat që janë marrë në Shqipëri si një vend i paprekur, por pas mesnatës së kaluar u zbulua se dy raste janë konfirmuar në kryeqytet.
Të infektuarit janë një 54- vjeçar bashkë me të birin e tij, të cilët u infektuan në Itali.
Pas mbledhjes, qeveria do të njoftojë për masat shtesë sipas rekomadimeve të OBSH-së. Deri më tani Ministria e Shëndetësisë i ka këshilluar të gjithë ata që vijnë nga vende të prekura nga koronavirusi si Italia, të vetëkarantinohen.
