Ministrja e Arsimit, Besa Shahini edhe njëherë tjetër ka njoftuar nxënësit për leksionet e matematikës që do të transmetohen sot në RTSH.
Ministrja Shahini shkruan se leksionet do të transmetohen në orën 10:30-12:00, nga mësuesit Solita Xhanaj (klasa 6-8) dhe Xhevdet Reka (klasa 9-12).
Për nxënësit që do e humbin transmetimin në RTSH, do të kenë mundësi t’i ndjekin më vonë leksionet në kanalin në Youtube të Ministrisë së Arsimit.
“RTSH Shkollë, sot, ora 10:30-12:00 do të transmetohen këto leksione matematike nga mësuesit Solita Xhanaj (klasa 6-8) dhe Xhevdet Reka (klasa 9-12).
Pas orës 12:00, leksionet i gjeni në kanalin youtube të MASR:
https://www.youtube.com/channel/UC21Y6wkN3En_HKFdt4yWxMQ” , shkruan Besa Shahini.
Mësimi në shkolla është vendosur të ndërpritet deri në datën 23 mars, për shkak të frikës së përhapjes së koronavirusit në vend. Më tej do të shikohet si do të vijojë situata.
Ministrja Shahini ka deklaruar se gjatë kësaj periudhe, mësuesit do i orientojnë nxënësit që të mësojnë nga shtëpia me anë të telefonave. Mësuesit mund të përgatisin mësimin me anë videosh e të shpërndahen në rrjetet sociale duke përdorur klasat virtuale. E disa leksione do transmetohen gjatë kësaj kohe dhe në RTSH.
