Një tjetër event i rëndësishëm për industrinë e filmit është shtyrë për shkak të situatës së krijuar nga virusi Covid-19. Është fjala për festivalin e filmit në Kanë, në Francë.
Reuters shkruan se festivali prestigjoz i filmit po merr masa paraprake për shkak të pandemisë.
Organizatorët e eventit më të madh vjetor të kinemasë, të planifikuar të zhvillohet në datat 12-23 maj, thanë se ata po mendojnë ta shtyjnë festivalin deri në fund të qershorit ose në fillim të korrikut.
Due to the health crisis and the development of the French and international situation, the Festival de Cannes will no longer be able to take place on the dates planned, from May 12 to 23. More info #Cannes2020 👉 https://t.co/peLmfw0gQW pic.twitter.com/SVWPasvU23
— Festival de Cannes (@Festival_Cannes) March 19, 2020
Ishte e pamundur që ky event të mos shtyhej, duke marrë parasysh përhapjen e koronavirusit dhe masat që ka marrë qeveria franceze për ta frenuar atë.
Të shtunën, kryeministri i Francës, Eduard Philippe, urdhëroi mbylljen e të gjitha restoranteve, kafeneve dhe kinemave për të luftuar virusin.
