Shoqëria Civile ka organizuar paraditen e sotme një tjetër protestë përpara “Sheshit Skënderbej”, mirëpo situata është tensionuar duke kaluar në një përplasje mes forcave të policisë dhe protestuesve.
Efektivët e policisë i kanë kërkuar protestuesve të largohen me arsyetimin se tubimi i tyre është i paligjshëm. Mirëpo protestuesit kanë kundërshtuar.
Policia i ka tërhequr zvarrë protestuesit mes të cilëve dhe avokati Altin Goxhaj, të cilët refuzuan të lënë protestën.
Ndërkohë një grua është shtrirë përtokë duke ulëritur pasi policia po e merrte me forcë, e të tjerë i kanë shkuar për ndihmë. Ajo është ndier keq dhe u ndihmua nga mjekë të ndihmës së shpejtë./Hashtag.al
