Një 18-vjeçar në Dibër ka humbur kontaktet me familjen prej 5 ditësh. Sipas familjarëve, i riu Ardian Pali ishte ngjitur në Malin e Korabit për të mbledhur bimë medicinale që do t’i shiste për të siguruar të ardhura ekonomike. Por ai nuk ishte kthyer më në banesën e tij në fshatin Dypjakë, duke i shqetësuar të afërmit të cilët kanë kërkuar ndihmë nga policia.
Ata kanë nisur edhe vetë kërkimet, por kërkojnë ndihmën e autoriteteve për të kërkuar nga ajri me helikopter, pasi terreni është shumë i madh dhe i vështirë.
Besohet se 18-vjeçari ka qenë duke mbledhur lule nga ana e Maqedonisë së Veriut, në vendin e quajtur “Përroi i thellë” afër Rekës së Epërme, Tanushë.
