Kanë përfunduar ndeshjet e javës së dytë të Superligës shqiptare pas rifillimit të saj.
Në ndeshjet e ditës së sotme kanë fituar ekipet pretendente për titullin kampion, Tirana e Kukësi që ruajnë kështu largësinë nga njëri-tjetri ndërsa Partizani vijon rënien e lirë.
Tirana mundi Luftëtarin 5-0 kurse Kukësi zhyti edhe më shumë në krizë Partizanin duke e mundur në Tiranë me rezultatin 3-1.
Fitore arriti edhe Bylisi ndaj Teutës e Laçi e Skënderbeu respektivisht ndaj Vllaznisë e Flamutarit. Pas ndeshjeve të sotme Tirana kryeson me 59 pikë e ndjekur nga Kukësi me 50.
Partizani ka rrëshqitur në vendin e shtatë ndërsa interesante mbetet gara për në Kupat e Europës pasi janë disa ekipe që kanë mundësi të mira për këtë.
