Autorja e ‘Harry Potter’, JK Rowling u është përgjigjur akuzave për transfobinë e pretenduar në një letër të hapur duke paraqitur arsyet për të cilat shqetësohet lidhur me transaktivizmin ‘toksik’, duke tërhequr një ortek kritikash.
“Unë e di se është koha për të shpjeguar veten time për një çështje të rrethuar nga toksiciteti. Unë e shkrova këtë pa asnjë dëshirë për t’i shtuar atij toksiciteti,” shkroi Rowling në fillim të esesë së saj.
Shkrimtarja është etiketuar si ‘TERF’ – një feministe radikal trans-përjashtuese në disa raste, së fundmi falë një postimi në Twitter lidhur me një histori që i referohej ‘njerëzve që bëjnë menstruacione’, duke mos pranuar që në vend të kësaj të karakterizojnë njerëz të tillë si gra.
Ky qëndrim e vuri Rowling në shënjestër jo vetëm nga aktivistët në mediat sociale, por edhe nga disa prej aktorëve që kanë luajtur në filmat e përshtatur nga librat e saj si Daniel Radcliffe, Emma Watson dhe Eddie Redmayne.
Roëling, megjithatë, thotë në esenë e saj të fundit se ‘nuk do të përkulet’ para atyre që e dërgonin ‘abuzimin’ në internet, duke shtuar se ajo ka shqetësime serioze për ‘transaktivizmin’.
“Unë e di se tranzicioni do të jetë një zgjidhje për disa njerëz disforik gjinor, megjithëse jam e vetëdijshme edhe përmes hulumtimeve të gjera që studimet kanë treguar vazhdimisht se midis 60-90 përqind të adoleshentëve dysforikë gjinore do të rriten nga disforia e tyre,” shkroi ajo.
