Policia ka arrestuar pronarin e lokalit ku ndodhi sherri që la të plagosur një person mbrëmjen e kaluar në Elbasan.
Sherri ndodhi në zonën e quajtur si “lagja e kinezëve”, ku disa të rinj goditën njëri-tjetrin me sende të forta.
Sipas policisë, pronari i lokalit, u arrestua sepse ka tentuar të prishë provat në vendin e ngjarjes dhe ka kundërshtuar punonjësit e policisë.
“Tentoi të prishte vendin e ngjarjes dhe kundërshtoi me dhunë punonjësit e Policisë të Patrullës së Përgjithshme, vihet në pranga 25-vjeçari.
Specialistët për Hetimin e Krimit në Komisariatin e Policisë Elbasan arrestuan në flagrancë shtetasin:
- L., 25 vjeç, banues në Elbasan.
Arrestimi i tij u bë pasi në lokalin në pronësi të tij, ku u plagos me mjete të forta shtetasi L. I., ka tentuar të prishë vendin e ngjarjes, duke i kundërshtuar me dhunë shërbimet e Policisë që po bënin sigurimin e vendit të ngjarjes.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.”– thuhet në njoftimin e policisë.
