Një 86-vjeçar ka humbur jetën ditën e sotme lidhur me Covid-19.
Sipas Ministrisë së Shëndetësisë, pacienti nga Shkodra po trajtohej në terapi intensive prej 12 ditësh por nuk ka mundur të mbijetojë.
Në njoftim u bëhet thirrje qytetarëve që të respektojnë rregullat e distancimit fizik, përdorimin e maskës e shtimin e higjienës vetjake.
Njoftimi
Një pacient 86-vjeçar nga Shkodra, i cili po trajtohej në terapi intensive prej 12 ditësh nuk e ka fituar dot betejën me COVID19, megjithë asistencën e madhe mjekësore.
Ministria e Shëndetësisë i shpreh ngushëllime familjes së të ndjerit dhe i kujton edhe një herë qytetarëve të tregojnë kujdes me respektimin e rregullave, distancimin fizik, përdorimin e maskës, higjienën vetjake, për të kufizuar përhapjen e COVID19.
Nga fillimi i epidemisë, 66 qytetarë të konfirmuar me COVID19 e kanë humbur betejën me virusin e rrezikshëm.
