Mëngjesin e kësaj të shtune, Katedralja e qytetit të Nantes në Francë u përfshi nga flakët dhe qindar zjarrëfikës janë angazhuar për shuarjen e flakëve.
Prokurori Pierre Sennes u tha gazetarëve se ishin ndezur tre zjarre dhe autoritetet po e trajtonin incidentin si një veprim kriminal.
Dëshmitarët po ashtu në deklarimet për mediat janë shprehur se janë zgjuar nga një tingull i çuditshëm i këmbanave.
Zjarri i Nantes vjen pak më shumë se një vit pas një zjarri të madh në Katedralen e Notre-Dame në Paris.
Shefi lokal i zjarrfikësve, Laurent Ferlay, u tha gazetarëve 104 zjarrfikës që ishin akoma në vendngjarje për të siguruar që flakët të ishin plotësisht nën kontroll.
“Ne nuk jemi në një skenar të Notre-Dame de Paris. Çatia nuk është prekur”– tha Ferlay, citon France 24.
Nuk ishte hera e parë që zjarri ka dëmtuar katedralen.
Ajo u shkatërrua pjesërisht gjatë Luftës së Dytë Botërore në vitin 1944 pas bombardimeve të Aleatëve. Në vitin 1972 një zjarr tjetër shkatërroi plotësisht çatinë e saj. Më në fund u rindërtua 13 vjet më vonë me një strukturë betoni që zëvendësoi çatinë e lashtë prej druri.
#Nantes | Courage aux sapeurs-#pompiers du @SDIS44 engagés sur l’#incendie à la cathédrale Saint-Pierre-et-Saint-Paul de #Nantes.
Protéger, secourir et sauver. pic.twitter.com/z8ZaigcI3s— Pompiers de France (@PompiersFR) July 18, 2020
