Izraeli thotë se ka qëlluar ndaj militantëve të Hezbollah që hynë në territorin e saj, në atë që kryeministri i Izraelit e quajti një “incident të rëndë të sigurisë”.
Forcat e Mbrojtjes së Izraelit (IDF) thanë se deri në katër militantë kaluan kufirin në zonën Mount Dov, pjesë e Lartësive Golan të Sirisë të pushtuara nga Izraeli.
Një deklaratë e Hezbollahut thoshte se nuk kishte marrë pjesë në ndonjë përleshje, në vend që të fajësonte një armik “nervoz”.
Zona ka qenë e tensionuar për ditë të tëra pas vdekjes së një luftëtari të Hezbollahut.
Ai u vra në një sulm të supozuar ajror të Izraelit në Siri. Izraeli, i cili as nuk e konfirmoi dhe as e mohoi se kreu operacionin në orët e para të së hënës së kaluar, e kishte paralajmëruar Hezbollahun të mos hakmerrej.
IDF tha se “terroristët u larguan përsëri në Liban” pasi u qëlluan të hënën.
Mediat izraelite, duke përmendur burime ushtarake pa emër, thanë se qeliza e Hezbollah ishte duke planifikuar të sulmonte një post të IDF. Raportet thanë që Izraeli i kishte ndjekur ata dhe forcat e saj hapën zjarr pasi militantët kaluan të ashtuquajturën Linja Blu – kufiri i njohur nga KB midis Izraelit dhe Libanit.
Raportet thonë se ushtria izraelite gjuajti predha artilerie në prag të tyre.
