Banorët në disa qytet në Maqedoninë e Veriut kanë paralajmëruar protesta kundër rritjes së çmimit të energjisë elektrike.
Ato janë njoftuar për të premten e do mbahen në Shkup, Gostivar, Kumanovë e Tetovë, raporton INA.
Siç kanë njoftuar disa nga organizatorët e protestës, protesta fillon në ora 18:00 te parku i Çairit, nga ku qytetarët do të nisen drejt godinës së qeverisë.
Maqedonia e Veriut nuk ka ende qeveri pas zgjedhjeve të parakohshme të 15 korrikut.
Pritet që ditën e nesërme, presidenti Pendarovski t’ia besojë mandatin për formimin e saj ish-kryeministrit e kreut të LSDM-së, Zoran Zaev.
