Presidenti Ilir Meta ka deklaruar sot se do respektojë vendimin e Gjykatës Kushtetuese në vitin 2010 lidhur me marrëveshjen detare me Greqinë.
Kreu i shtetit e bëri deklaratën nga Vlora, ku mori pjesë në ceremoninë e 100-vjetorit të Luftës së Vlorës.
“Shqiptarët duhet të jenë të sigurt që Presidenti gjithmonë do të mbrojë Kushtetutën. Për çështjen në fjalë do të respektoj vendimin e Gjykatën Kushtetuese dhe këtë duhet të bëjnë të gjithë institucionet tona.” – tha Meta. Gjykata Kushtetuese në vitin 2010 e ka hedhur poshtë marrëveshjen detare me Greqinë.
Ditën e djeshme, kryeministri i Greqisë, Mitsotakis, tha në parlament se Greqia do zgjeronte ujërat territorialë me Shqipërinë duke u zgjeruar nga 6 në 12 milje.
Në një reagim të vonë të Ministrisë së Jashtme të Shqipërisë thuhej se zgjerimi i Greqisë nuk ka të bëjë me Shqipërinë.
