Ministri i Brendshëm, Sandër Lleshaj ka deklaruar se është e sigurt që ai nuk do ta mbajë më postin e ministrit pas zgjedhjeve.
I pyetur nga gazetarët për zërat që kanë qarkulluar ditët e fundit për largimin e tij, Lleshaj tha se asnjë post nuk është i përjetshëm.
“Çfarë komenti do të kem për këtë. Që s’do të jem në këtë post është krej e sigurt. Patjetër që është e sigurt, askush nuk do të jetë i përjetshëm në këtë post.”- tha ministri Lleshaj nga Vlora, ku ka shkuar për prezantimin e forcave të reja “Shqiponja”.
