Programi televiziv danez ‘Ultra Strips Down’ është kritikuar për shkak të të rriturve që kalojnë me trupat e tyre lakuriq para fëmijëve, disa të moshës shtatë vjeçare.
Kritika ndaj programit është bërë virale në mediat sociale ditët e fundit pasi nxiti polemika në Danimarkë në fillim të këtij muaji.
Kryetari i grupit të Partisë Popullore, Peter Skaarup, kritikoi shfaqjen televizive, duke i thënë tabloidit danez BT: “Ai korrupton fëmijët tanë, të cilët në atë moshë tashmë kanë shumë gjëra për të cilat mendojnë dhe u kalojnë nëpër kokë. Nuk ka nevojë për këto gjëra mbi të gjitha.”
Morten Skov Hansen, një redaktor i transmetuesit televiziv DR Ultra, mbrojti programin, duke thënë se ai ishte menduar për një audiencë me fëmijë nga 9 deri në 14 vjeç.
“Qëllimi është të ilustrojmë tek fëmijët danezë ndryshimin e trupave midis të cilëve jetojmë, por shumë rrallë shohim. Kjo duhet t’i ndihmojë fëmijët të mësojnë si për trupin e tyre dhe për trupat e tjerë dhe për të siguruar një imazh më të larmishëm të trupit natyror të njeriut sesa atë që fëmijët zakonisht hasin në mediat sociale, për shembull.” – tha ai.
