Joe Biden ka njoftuar se ai dhe gruaja e tij, Jill, të dy kanë rezultuar negativë për Covid-19 pas shqetësimeve se të dy mund të ishin infektuar pasi presidenti Trump dhe Zonja e Parë, Melania, rezultuan pozitivë.
“Unë jam i lumtur të raportoj se Jill dhe unë kemi dalë negativ për Covid. Faleminderit të gjithëve për mesazhet tuaja.” – shkroi Biden të premten. Ai u testua mëngjesin e sotëm pasi presidenti Trump njoftoi të enjten në mbrëmje se ishte prekur nga koronavirusi.
“Shpresoj që kjo të shërbejë si një kujtesë: mbaj maskë, mbaj distancën shoqërore dhe laji duart.” – shtoi Biden në postimin e tij.
Edhe zv.presidenti Pence e bashkëshortja e tij, Karen, kanë dalë negativë për koronavirusin.
