Qeveria Hollandeze do të lejojë mjekët për eutanazi te fëmijët e vegjël të sëmurë terminalë, duke e bërë Hollandën vendin e dytë në botë që lejon praktikën.
Ministri i Shëndetësisë Hugo de Jonge njoftoi ndryshimin në një letër drejtuar Parlamentit të Martën, duke e quajtur vendimin e domosdoshëm për të ndihmuar “një grup të vogël fëmijësh të sëmurë terminalë që vuajnë në mënyrë të pashpresë dhe të padurueshme”.
Vendimi nuk ndryshon asnjë ligj, por përjashton mjekët nga ndjekja penale për përfundimin e jetës së një fëmije në kushte të caktuara dhe me pëlqimin e prindërve. Fëmijët midis moshës një dhe 12 tani do të kenë të drejtë për vetëvrasje të asistuar, ndërsa më parë vetëm foshnjat dhe të porsalindur mund të eutanizohen.
Pavarësisht nga mosha e tyre, kandidatët për eutanazi në Hollandë duhet të kenë “vuajtje të padurueshme dhe të pafund” dhe duhet të kërkojnë vdekjen “me zell dhe me bindje të plotë”. Dy mjekë duhet të miratojnë procedurën.
Hollanda legalizoi eutanazinë në 2001 dhe ishte vendi i parë në botë që e bëri këtë. Në vitin 2014, Belgjika u bë e para që legalizoi eutanazinë e fëmijëve.
Vendimi i qeverisë Hollandeze u kundërshtua nga dy partitë kryesore të krishtera të vendit, Apeli i Demokristianëve (CDA) dhe ChristenUnie. Vetë De Jong është një anëtar i CDA, por mbështeti lëvizjen bazuar në një studim të botuar së fundmi që tregoi mbështetje të fortë për praktikën nga mjekët.
