Turqia ka lëshuar një tjetër teleks lundrimi, ose Navtex, për zonën në Mesdheun Lindor ku do të zhvillojë aktivitete kërkimore sizmike deri më 4 nëntor.
Sipas njoftimit të shtunën vonë, misioni, që do kryhet nga anija kërkimore sizmike ‘Oruc Reis’, do të vazhdojë për 10 ditë duke filluar të dielën.
Një Navtex është një sistem i komunikimit detar që lejon anijet të informojnë anijet e tjera për praninë e tyre në një zonë, si dhe informacione të tjera.
‘Oruc Reis’ do të kryejë studime sizmike në Mesdheun Lindor së bashku me dy anije të tjera, Ataman dhe Cengiz Han.
Ajo do kryejë studime të ndryshme gjeologjike, gjeofizike, hidrografike dhe oqeanografike, veçanërisht të shelfit kontinental, ndërsa gjithashtu kërkon burime natyrore.
Në gusht, Turqia rifilloi kërkimin e energjisë në Mesdheun Lindor pasi Greqia dhe Egjipti nënshkruan një marrëveshje të diskutueshme të përcaktimit detar.
Duke deklaruar marrëveshjen greko-egjiptiane ‘të pavlefshme’, Turqia autorizoi anijen ‘Oruc Reis’ të vazhdojë aktivitetet e saj në Mesdheun lindor. Ankaraja i ka kundërshtuar përpjekjet e Athinës për të shpallur një zonë ekonomike ekskluzive të bazuar në ishuj të vegjël pranë brigjeve turke.
