Media franceze ka publikuar detajet e para në lidhje me të dyshuarin në një sulm që vrau tre persona në një kishë në Nisë. Faktet ende nuk janë konfirmuar nga zyrtarët, të cilët filluan një hetim terrorist në çështjen.
Sulmuesi është identifikuar si Brahim A., një 21-vjeçar mashkull me origjinë tuniziane, njoftoi Nice-Matin, një e përditshme rajonale. Pretendimi është përsëritur nga të paktën një ligjvënës francez.
I dyshuari tani është në paraburgim policor pasi u plagos dhe u arrestua në vend. Të paktën një nga tre viktimat që shkaktoi i ishte prerë fyti, njoftoi AFP, duke cituar zyrtarë. Disa persona të tjerë besohet të jenë plagosur në sulm.
Kryetari i Komunës së Nicës, Christian Estrosi, e përshkroi sulmuesin si një “Islamo-fashist” dhe u tha gazetarëve se burri vazhdonte të bërtiste ‘Allahu Akbar’, “edhe kur ishte nën ilaçe”. Prokurorët francezë kanë hapur një hetim terrorist mbi sulmin.
Disa orë më vonë, policia në Avignon, në juglindje të Francës, qëlloi dhe vrau një burrë pasi ai dyshohet se u përpoq t’i sulmonte ata me thikë. Pastaj, në Lyon, një i dyshuar i armatosur me një “thikë të gjatë” u kap nga autoritetet, kinse po përpiqej të kryente një sulm.
Franca ka ngritur sistemin e saj të alarmit për terrorizmin në nivelin më të lartë pas incidentit në Nice. Vendi ka luftuar për të goditur ekstremizmin islamik pas prerjes së kokës së një mësuesi, Samuel Paty, nga një refugjat çeçen. Vrasja e Paty mendohej se ishte provokuar nga vendimi i tij për t’u treguar karikaturave të Profetit Muhamed nxënësve të tij gjatë një leksioni rreth lirisë së fjalës.
