Autoritetet austriake kanë vendosur të mbyllin dy objekte fetare që kontribuan në pikëpamjet ekstremiste të islamistëve radikale të akuzuar për sulmet e Vjenës. Të shtënat lanë katër persona të vdekur dhe më shumë se 20 të plagosur.
Ministrat e brendshëm dhe të integrimit të Austrisë njoftuan mbylljen e xhamive radikale, njoftoi të premten agjencia e lajmeve APA. Hapi u ndërmor pas një takimi krize midis ministrave dhe kreut të Komunitetit Fetar Islamik të Austrisë (IGGO), Umit Vural.
Duke folur në një konferencë shtypi më vonë gjatë ditës, Ministrja e Integrimit Susanne Raab tha se të paktën dy vende fetare kontribuan në radikalizimin e njeriut që organizoi të shtënat vdekjeprurëse. Njëra prej tyre, një xhami, tashmë është mbyllur, një tjetër, e cila është ligjërisht një shoqatë, u urdhërua të mbyllet gjithashtu.
Ministri i Brendshëm i Austrisë Karl Nehammer, nga ana e tij, pranoi se gabime “të papranueshme” janë bërë gjatë trajtimit të provave në dispozicion të sulmuesit. Në fillim të kësaj jave doli se Sllovakia informoi Austrinë në lidhje me përpjekjen e sulmuesit të Vjenës për të blerë municione këtë verë, megjithatë informacioni i vlefshëm humbi disi.
Shefi i policisë së Vjenës Gerhard Puerstl, nga ana e tij, tha se masa më të qëndrueshme duhej të ishin marrë kundër sulmuesit, dhe nëse inteligjenca sllovake do të ishte proceduar siç duhet rezultati i të gjithë zinxhirit të ngjarjeve do të ishte ndryshe. Zyrtari gjithashtu zbuloi se katër të dyshuar, të arrestuar në Gjermani më herët të Premten, kishin kaluar kohë me sulmuesin.
Sulmet vdekjeprurëse ndodhën në të gjithë kryeqytetin e Austrisë të hënën vonë. Katër persona u vranë me armë pasi filluan të shtënat pranë një sinagogë në qendër të Vjenës, me 23 të tjerë të plagosur në të gjithë qytetin.
