Para se Joe Biden të ishte z.presidenti i SHBA-së gjatë administratës së Barack Obama dhe para se të dështonte gjatë garës presidenciale të vitit 2008, senatori prej një kohe të gjatë nga Delaware, kandidoi pa sukses për nominimin presidencial të Demokratëve në vitin 1988.
Incidentet e plagjiaturës, si gjatë fushatës, ashtu edhe gjatë kohës së tij në Kolegjin Ligjor të Universitetit të Sirakuzës, u bënë disa nga çështjet që përndoqën Biden, para se ai t’i jepte fund fushatës së tij para kohe.
Gjatë kandidimit të tij të dështuar në vitin 1988, Biden përdori pjesë të një fjalimi nga deputeti Laburist i Mbretërisë së Bashkuar dhe sfiduesi i Margaret Thatcher, Neil Kinnock.
Gazetarja e New York Times, Maureen Dowd, raportoi për fiaskon në shtator 1987.
Gjatë një tubimi në një festë në Iowa, Biden imitoi pjesë të tëra të fjalimit të Kinnock. Në një moment, Biden përsëriti linjën se ai ishte i pari ‘në një mijë breza’ që u diplomua nga kolegji, duke bërë gjeste ndaj gruas së tij në të njëjtën mënyrë si Kinnock, ndërsa tha gjithashtu të njëjtën linjë për arsimimin dhe prejardhjen e saj.
Biden më vonë do të pranonte se ai në të vërtetë kishte të afërm që ndiqnin kolegjin, duke kontrastuar drejtpërdrejt me linjat e Kinnock.
Siç raportoi Dowd, stafi i Biden ishte mbrojtës në lidhje me akuzat për plagjiaturë të hapur. Sidoqoftë, Biden u tërhoq nga gara në fund të muajit.
Sipas një artikulli tjetër të vitit 1987 në The Times, Biden pranoi plagjiarizimin e një reviste të rishikimit të ligjit për një punim gjatë shkollës juridike dhe u kërkoi administratorëve të shkollës të mos përjashtohej. Por Biden gjithashtu tha se ai bëri një gabim në procesin e citimit.
“Qëllimi im nuk ishte të mashtroja askënd.” – shkroi Biden në atë kohë.
“Nëse do kisha këtë qëllim, kjo nuk kishte qenë aq flagrante.”
Skandali shpërtheu në të njëjtën kohë Biden ishte kryetar i Komitetit të Gjyqësorit të Senatit dhe po mbikëqyrte procesin famëkeq partizan të konfirmimit të kandidatit të Gjykatës së Lartë, Robert Bork.
Plagjiatura e Biden u bë një çështje e nxehtë e fushatës, të cilën rivali i tij Demokrat, Guvernatori i Masaçusets, Michael Dukakis, e përdori në një reklamë sulmi me video që u shpërnda në disa media, sipas një artikulli të Washington Post në 1987.
Në atë kohë, Biden hodhi poshtë shpërndarjen e videos nga rivalët, si ‘politikë e ndyrë’.
“Shikoni, unë jam i rritur. Kam qenë në politikë për 15 vjet. Ky nuk është stili im. Nëse ata duan ta bëjnë atë në këtë mënyrë, kështu qoftë.” – deklaronte asokohe Biden.
Dukakis – i cili do të fitonte nominimin, por do të humbiste zgjedhjet e përgjithshme ndaj presidentit të ndjerë, George HW Bush – në fund pushoi nga puna drejtorin e tij politik, Paul Tully dhe menaxherin e fushatës, John Sasso për reklamën.
Në një moment të mëvonshëm, Dukakis madje mbajti një konferencë shtypi ku ai i kërkoi falje Biden, ‘familjes së tij dhe miqve të tij për atë që ndodhi dhe për përfshirjen e fushatës time në të gjithë këtë situatë’, raportoi The Times në një artikull në vitin 1987.
Biden përsëriti gabimin e tij, por theksoi se nuk kishte pasur qëllim të bënte plagjiaturë, ndërsa ishte në shkollën e drejtësisë.
“Unë bëra gabim, por nuk isha keqdashës në asnjë mënyrë.” – tha ai.
“Unë nuk synoja të mashtroja askënd. Dhe nuk e bëra. Deri më sot nuk e bëra.” – shtoi ai.
“Kur isha në Sirakuzë, unë isha i martuar, isha në shkollë juridike, vishja pallto sportive. Isha një djalë i klasës së mesme. Unë jam ai që jam. Unë nuk jam tifoz i xhaketave shik dhe këmishave me kravatë. Ju e dini, nuk jam unë ky tip.”
Përgatiti për Hashtag.al, Klodian Manjani
VINI RE: Ky material është pronësi intelektuale e Businessinsider
