Drejtoresha e ISHP-së, Albana Fico, ka njoftuar masat e reja të marra nga komiteti i ekspertëve lidhur me pandeminë Covid-19.
Ato përfshijnë ndalimin e grumbullimeve më shumë se 10 persona, dasmat dhe varrimet nuk do lejohe përtej rrethit të ngushtë familjar.
Po kështu do ndalohen protestat e ndryshme, tubimet apo mbledhjet partiake.
“Komiteti teknik i ekspertëve pas masave me intensitet të moderuar, me kufizimin e lëvizjes pas orës 22:00 dhe kufizimit të të aktivitetit të bareve dhe restoranteve pas orëa 22 të darkës, nisur nga vlerësimi në dinamikë i situatës, ka vlerësuar se është e nevojshme të ketë masa shtesë të intensitetit mesatar për të frenuar përhapjen e infeksionit.
Në mbledhjen e fundit, Komitetin Teknik i Ekspertëve, pasi kemi analizuar situatën dhe risqet, ecurinë e epidemisë në vend dhe përgjigjen e qytetareve ndaj masave të ndërmarra dhe kemi vendosur:
- Të ndalohen grumbullimet me më shume se 10 persona në vende te hapura dhe të mbyllura
- Të ndalohen mbledhjet partiake dhe tubimet
- Konferencat, ceremonitë e festave, ceremonitë martesore dhe organizimet përtej familjarëve te ceremonive mortore, dëri në një urdhër të dytë.” – tha ndër të tjera shefja e ISHP-së.
