Japonia pa një rritje të vetëvrasjeve muajin e kaluar që regjistroi më shumë se numri i përgjithshëm i personave që kanë vdekur në ishull nga pandemia e koronavirusit për gjithë vitin.
“Në Japoni, statistikat e qeverisë tregojnë se vetëvrasja mori më shumë jetë në tetor sesa Covid-19 gjatë gjithë vitit deri më sot.” – raportoi CNN.
“Numri mujor i vetëvrasjeve japoneze shkoi në 2,153 në tetor, sipas Agjencisë Kombëtare të Policisë të Japonisë. Që nga e premtja, numri i përgjithshëm i viktimave nga Covid-19 ishte 2,087.” – tha Ministria e Shëndetësisë.
Japan Times raportoi vitin e kaluar se numri i përgjithshëm i vetëvrasjeve për 2019 kishte rënë nën 20,000 për herë të parë që kur kombi filloi të mbante shënime të tilla në vitin 1978.
Rënia e vetëvrasjeve iu atribuua një ekonomie që po bëhej më e fortë dhe një përpjekje nga zyrtarët për të zvogëluar vetëvrasjet.
“Japonia dëshmoi një rritje të vetëvrasjeve në 1998, kur papunësia lidhej me falimentimet e kompanive gjigante në fusha të ndryshme.” – shtoi Japan Times.
Washington Post raportoi se edhe në Korenë e Jugut ka pasur ‘një rritje prej 43 përqind të vetëvrasjeve të grave në moshën 20 vjeç në gjysmën e parë të vitit 2020 krahasuar me të njëjtën periudhë të vitit të kaluar’.
