Në foto: Majtas europuteti hungarez Szajer, djathtas deputeti lituanez Grazulis
Një deputet i njohur lituanez, i cili është shprehur kundër martesave ‘jo-tradicionale’ dhe të drejtave LGBT, është parë në shtëpi me një burrë të zhveshur, pasi me sa duket ndezi kamerën e tij aksidentalisht ndërsa ishte në një takim parlamentar në internet.
Petras Grazulis, një ligjvënës nga partia konservatore Rend dhe Drejtësi, mund të shihet shkurtimisht në video nga një seancë komiteti e asamblesë së vendit.
Në pamjet, të shpërndara gjerësisht në internet, një burrë shfaqet pas politikanit, me sa duket i zhveshur, duke parë ekranin.
Kryetari i komitetit e kritikoi pamjen e shfaqur duke thënë se edhe pse bëhej fjalë për jetën personale, pamje të tilla nuk mund të shfaqeshin në një seancë parlamentare.
“Sigurisht që mund të themi se kjo është jeta personale e dikujt, por ai është i lidhur me një takim të parlamentit.” – tha Vytautas Juozapaitis. Grazulis fillimisht pretendoi se burri ishte djali i tij.
Sidoqoftë, ai me sa duket ndryshoi historinë e tij, duke pretenduar se ishte në të vërtetë një gazetar, Andrius Tapinas, i cili e kishte ‘persekutuar’ atë për një kohë të gjatë.
Pavarësisht nga fakti se burri në video nuk ka asnjë ngjashmëri me Tapinas, politikani nënkuptonte se ai kishte ndryshuar pamjen e tij. “Ai po më ndjek gjithkund, nuk është çudi që ai arriti këtu.” – shtoi ai.
Grazulis është quajtur ligjvënësi më kundërshtues anti-LGBT i vendit dhe në vitin 2012 tha se të gjithë homoseksualët duhet të largohen nga Lituania.
Incidenti me deputetin konservator lituanez vjen pak ditë pas skandalit të eurodeputetit hungarez, Jozsef Szajer. Ai u kap të premten në një orgji në Bruksel ku merrnin pjesë më shumë se 20 burra. Pas kësaj, ai dha dorëheqjen ndërsa u përjashtua edhe nga partia e kryeministrit hungarez Orban, Fidesz.
“Brussels Times” shkruan se në festë ishin 25 persona të pranishëm, mes të cilëve edhe eurodeputeti. Sipas BBC-së, pjesa më e madhe e të pranishmëve ishin burra dhe thuhej se po bënin orgji homoseksuale.
Prokurorët thanë se eurodeputetit iu gjet drogë ndërsa përpoqej të largohej nga një tub kullimi.
Të martën, Szajer bëri një deklaratë ku pranoi se ishte i pranishëm në atë që ai e quan “një festë private”.
“Më vjen keq që kam thyer rregullat e mbledhjeve.” – tha ai.
“Kjo ishte e papërgjegjshme nga ana ime dhe unë do të marr përsipër sanksionet që vijnë me të.”
Ai po ashtu iu përgjigj akuzave se mbante ekstazi.
“Policia thotë se u gjet një pilulë ekstazi. Nuk është e imja, nuk e di kush dhe si e vendosi atë.” – tha Szajer.
Unë bëra një deklaratë në polici në lidhje me këtë.”
Mediet lokale shkruajnë se festa u zhvillua në një apartament në Rue des Pierres, në qendër të Brukselit. Eurodeputeti dyshohet se u përpoq të ikte përmes një tubi kullues kur policia hyri, por ai u kap dhe u mor në pyetje.
“Pasi policia kërkoi identitetin tim – meqenëse nuk kisha ID me vete – deklarova se isha eurodeputet.”– tha Szajer. “Policia vazhdoi procesin dhe më në fund lëshoi një paralajmërim verbal zyrtar dhe më transportoi në shtëpi.”
Szajer është një anëtar i partisë Fidesz të kryeministrit hungarez Orban. Në vitet e fundit, partia Fidesz ka profilizuar veten si një parti kundër komunitetit LGBTQ në Hungari.
