Danimarka nxjerr jashtë ligjit seksin pa miratimin e qartë me miratimin unanim të ligjit të ri për përdhunimin
Deputetët danezë kanë miratuar një ligj të ri që e bën seksin pa pëlqim të qartë, të paligjshëm, me të gjitha partitë parlamentare që votuan në favor të mocionit. Aktivistët e të drejtave të grave e kanë etiketuar atë ‘një ditë e shkëlqyer për gratë’.
Ligji i ri i miratuar zgjeron kushtet në të cilat marrëdhëniet seksuale mund të përbëjnë përdhunim. Më parë, prokurorët duhej të demonstronin se një përdhunues i pretenduar kishte përdorur dhunë ose sulmuar një individ i cili nuk ishte në gjendje të sprapste.
“Tani do të jetë e qartë, se nëse të dy palët nuk japin pëlqim për seks, atëherë është përdhunim.” – tha ministri i Drejtësisë, Nick Haekkerup, në një deklaratë.
Ligji, i cili do të hyjë në fuqi në 1 Janar, u miratua me mbështetjen e të gjitha partive politike në Folketing.
Aktivistët për të drejtat e grave u gëzuan kur dëgjuan lajmet.
“Kjo është një ditë e shkëlqyeshme për gratë në Danimarkë pasi dërgon ligjet e vjetruara dhe të rrezikshme të përdhunimit në koshin e historisë dhe ndihmon për t’i dhënë fund stigmës përhapëse dhe pandëshkueshmërisë endemike për këtë krim.” – tha Anna Blus e Amnesty International.
Grupi pretendon se Danimarka është vendi i 12-të që njeh seksin jo-konsensual si përdhunim.
Suedia prezantoi një ligj të ngjashëm në vitin 2018, i cili pa një rritje prej 75 përqind të dënimeve për përdhunim.
