Policia në Gjermani po heton pasi Funke Media Group tha në mesjavë se kishte rënë viktimë e një sulmi kibernetik në të gjithë vendin, duke përfshirë redaksitë dhe shtypshkronjat e saj.
Botuesi tha se disa nga sistemet e tij qendrore të IT ishin goditur në një sulm kibernetik që preku të gjitha zyrat e tij kryesore në Bavari, Berlin, Hamburg, Saksoninë e Poshtme, Nordrajn-Vestfalen dhe Tyringen.
Policia në qytetet perëndimore të Këlnit dhe Esenit ka hapur hetime për incidentin, me policinë e specializuar të shtetit gjithashtu të përfshirë, ndërsa shkalla e sulmit nuk dihet.
“Autorët kanë kriptuar të dhëna për sistemet IT të Funke Media Group.” – tha kompania në një deklaratë.
Media lokale tha se sulmi ndaj Funke Media Group bëri që stafi të mos ishte në gjendje të hynte në sistemet e tij të brendshme dhe të hynin në llogaritë e tyre të postës elektronike.
