Presidentja e Komisionit Evropian ka paralajmëruar vendet anëtare të BE-së kundër porositjes së vaksinave Covid-19 në marrëveshje të tërthorta, duke thënë se kjo minon përpjekjet e bllokut për të trajtuar virusin.
Duke folur të premten, Ursula von der Leyen tha se BE-ja kishte urdhëruar doza të mjaftueshme për të gjithë bllokun, pasi Brukseli njoftoi blerjen e 300 milionë dozave të tjera të vaksinës Pfizer.
Von der Leyen shfrytëzoi rastin për të paralajmëruar vendet anëtare që të mos bëjnë marrëveshje të tërthorja me prodhuesit e vaksinave.
“E vetmja kornizë në të cilën ne jemi duke negociuar është si bllok. Ne e bëjmë këtë së bashku dhe asnjë shtet anëtar mbi këtë bazë të detyrueshme ligjore nuk lejohet të negociojë paralelisht ose të ketë një kontratë paralelisht.” – u tha von der Leyen gazetarëve në Bruksel.
“I gjithë portofoli mbulon 2.3 miliardë doza vaksinash, kështu që kjo është më se e mjaftueshme për të vaksinuar tërë popullatën evropiane.” – shtoi ajo.
