Një person ka mbetur i plagosur me armë zjarri sot në Milot.
I plagosur ka mbetur 45-vjeçari Ylli Ibrahimi i cili është dërguar me shpejtësi në spital.
Ai është ndjekur e qëlluar me breshëri nga dy persona të maskuar.
Sipas policisë rrethanat e ngjarjes janë ende të paqarta ndërsa kanë nisur menjëherë hetimet.
Forca të shumta policie kanë mbërritur në vendin e ngjarjes dhe kaë ngritur pika të shumta kontrolli për kapjen e autorëve të dyshuar të plagosjes.
“Rreth orës 12:10, në Milot,Kurbin, në rrethana ende të paqarta është plagosur me armë zjarri shtetasi Y.I., i cili është transportuar në spital dhe ndodhet nën kujdesin mjekësor. Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes. Shërbimet e Policisë Lezhë, të Komisariatit të Policisë Kurbin dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.” – thuhet në njoftimin e policisë.
