Bloomberg parashikon që GDP-ja e ekonomisë së dytë më e madhe në botë (Kinës) parashikohet të rritet me 8.2 për qind këtë vit, duke vazhduar të tejkalojë kolegët globalë, përfshirë Shtetet e Bashkuara.
Kina është vendi i vetëm me ekonomi të lartë që ka shmangur rënien në vitin 2020. Tani është në rrugën e duhur për të kaluar SHBA-të si ekonomia më e madhe në vitin 2028, tha Homi Kharas, zëvendës drejtor për ekonominë globale dhe programin e zhvillimit në Institucionin Brookings. Kjo dy vjet më herët sesa kishte vlerësuar më parë, shkruan RT.
Ekonomistët theksuan se Pekini po thellon lidhjet ekonomike brenda Azisë dhe Evropës dhe po kërkon që konsumi i brendshëm të fuqizojë fazën e tij të ardhshme të rritjes. Këtë javë, presidenti Xi Jinping tha se “koha dhe situata” ishin në anën e vendit të tij këtë vit të ri, ndërsa Uashingtoni po lufton me trazirat e brendshme.
Pandemia mund ta ndihmojë Kinën “të forcojë pozicionin e saj në ekonominë globale”, tha për Bloomberg Ka Zeng, drejtor i studimeve Aziatike në Universitetin e Arkansasit.
Kompanitë amerikane dhe evropiane ka të ngjarë të përqendrohen më shumë në Kinë për shkak të “potencialit që vendi ka të jetë i vetmi burim i madh i rritjes në botën post-pandemike”.
Tashmë eksportuesi më i mirë në botë, dërgesat e Kinës u rritën me 3.6 përqind në vitin 2020 sipas të dhënave zyrtare.
“Jo vetëm rritja e Kinës, por edhe modeli i rritjes së saj ka rëndësi për ekonominë globale. Kina vazhdon të përpiqet të shkojë drejt mbështetjes më të madhe në konsum, për rritjen ekonomike. Për pjesën tjetër të botës, Kina do të bëhet gjithnjë e më shumë një konsumator përveç rolit të prodhuesit që ka luajtur prej kohësh.”– tha Chang Shu, ekonomisti kryesor i revistës për Azinë.
